ధనిష్ఠ ధ్యానము
“ధ్యానము చేయునది కాదు, జరుగునది.”
ధ్యానములు, క్రతువులు | ధ్యానములు మరియు సూచనలు
Current Astrological Dates / Astrological Calendar (English)
పుస్తకము: మాస్టర్ C.V.V. యోగము |
పుస్తకము: Mystic Mantrams (English)
జ్యోతిష చక్రము 27 నక్షత్రమండలములతో నిండి ఉన్నది. అవి చంద్రుని యొక్క 27 భవనములుగా చెప్పబడినవి. “నా తండ్రి అనేక భవనములు కలిగి ఉన్నాడు” అని పరమ గురువు జీసస్ చే చెప్పబడినది. చాంద్రమానము ప్రకారము చంద్రుడు ప్రతిరోజు ఒక్కొక్క భవనములో ఉండును. ధనిష్ఠ అను నక్షత్రమండలము ద్వారా కుంభరాశి యొక్క సమన్వయాత్మకమైన శక్తి తరంగములు భూమిని చేరును.
మాస్టరు సి.వి.వి గారు జన్మించినపుడు చంద్రుడు ధనిష్ఠా నక్షత్రము నందు ఉండుట, యాదృచ్ఛికము కాదు. ధనిష్ఠ అనగా “ధనపూరితమైన దివ్యవాయువు”. కుంభరాశి వాయుతత్వపు రాశి.
1990లో డా. కె. పార్వతీకుమార్ గారు చాలా లోతైన ధ్యాన స్థితిని చంద్రుడు ధనిష్ఠా నక్షత్రము నందు ఉండగా పొందినారు. తరువాతి ధ్యానము నందు కూడా వారు అటువంటి ధ్యాన స్థితినే పొందినారు. కనుకనే చంద్రుడు ధనిష్ఠ నక్షత్రము నందు ఉండగా, ఆరోజు రాత్రి 9 గంటల సమయమున ధ్యానము చేయమని ప్రతిపాదించి ఉన్నారు.
చంద్రుడు ధనిష్ఠా నక్షత్రము నందు ఉన్న ప్రతిసారి ఈ ధనిష్ఠ ధ్యానమును మాస్టరు సి.వి.వి గారిచే అందించబడిన మర్మ మంత్రములపై చేయవలెను. రాత్రి 9 గంటల సమయము దీనికి కేటాయించటమైనది. ఆ రోజున చాలా స్వల్పముగా, తేలికయైన ఆహారము స్వీకరించి ధ్యానమునకు కూర్చొనవలెను. ధ్యానము తరువాత ఎక్కువగా మాట్లాడకుండా, ప్రశాంతముగా, ఏకాంతముగా నిద్రించవలెను.
మాస్టరు సి.వి.వి గారిచే ఇవ్వబడిన ఈ మర్మ మంత్రములు సాధకుని యొక్క స్వభావము యందు అనూహ్యమైన మార్పులను కలిగించి, మనస్సు, ఇంద్రియములు, మరియు శరీరముల యందు అనుసంధానము త్వరితగతిన కలిగించును.
ఈ మంత్రములు ధ్వని ప్రాధాన్యత కలిగి ఉండుటచే వీటిని జాగ్రత్తగా, కనులు మూసుకొని, శబ్దమును సావధానముగా , శ్రద్ధగా ఆలకించుచూ ఉచ్చరింపవలెను. వీటిని ఉచ్చరించుటకు జాగ్రత్తగా, సావధానముగా కనులు మూసుకొని, చెవులు తెరచి ప్రయత్నింపవలెను. ఒకసారి ఉచ్చరించిన తరువాత 15 నిమిషములు మౌనముగా ఉండవలెను.
మర్మ మంత్రములు
ఈ క్రింది మంత్రములు రాత్రి 9 గంటలకు చంద్రుడు ధనిష్ఠా నక్షత్రము నందు ఉండగా చెప్పవలెను:
I | Master Namaskaram Dip Deep Axis Arranged Hours Higher Bridge Beginning Truth Levels Nil None Naught Levels Normal Temperament Time Expand Electric Hint Ether Work Out Equator Equal Pituitary Hint Hidden Circumference Side Ways Miller Form Centre Vertical Levels Meet Centres Namaskaram Master CVV to your Lotus Feet |
---|---|
II | 15 నిమిషములు మౌనము వహించి, లోపల ఏమి జరుగుతున్నదో గమనింపుము |
III | లోకా స్సమస్తా స్సుఖినో భవంతు (3 మార్లు) ఓం శాంతి శ్శాంతి శ్శాంతిః |