ఈ బృందము పేద, దీన విద్యార్థుల ప్రయోజనము కొరకై మొదలుపెట్టిన విద్యా కార్యక్రమములలో భాగముగా అన్ని స్థాయిలలో విద్యా బోధన కొరకు అవసరమైన సాయము అందించుటకు పలురకముల కార్యక్రమములు చేపట్టినారు.

ఈ బృందము వారు 7 మిథిలా విద్యాలయము పేర పిల్లల బడులను నెలకొలిపి, మురికివాడలలోని పిల్లలకు ఉచిత విద్యతో బాటుగా పుస్తకములు, బట్టలు, భోజనము అందజేయుచున్నారు. ఇచ్చట ఒకటవ తరగతి నుండి పదవ తరగతి వరకు తరగతులు నేర్పబడుచున్నది. ఈ బడులు మురికివాడలలోని 6,500 మంది పిల్లల అవసరములు తీర్చినవి.

అంతియే గాక, ఈ బృందము వారు ఇతర బడులలో తమ పిల్లలను చదివించుకొను పేదకుటుంబములవారికి కూడా ఆర్థిక సహాయమును అందించుదురు. ఈ కార్యక్రమము ద్వారా ఇప్పటి వరకూ 2,700 మందికి పైగా పిల్లలు ప్రయోజనము పొందారు. అలాగే, కళాశాల విద్యార్థులకు, వృత్తి విద్యను ఎంచుకున్న వారికి కూడా ఆర్థిక సహాయమును ఈ బృందము వారు అందించుచున్నారు.

విశాఖపట్టణము దగ్గరలోని రామాద్రి కొండ వాలు పైన ఉన్న హంసవనములో మన బృందము వారు పర్యావరణ అభివృద్ధి కార్యక్రమము చేపట్టినారు. ఆంతరంగిక సాధన మరియు ధ్యానము చేసుకొనుటకు వీలుగా దేవాలయముల నడుమ ఒక ధ్యాన మందిరమును నెలకొల్పి, పవిత్ర వృక్షములను నాటి, పచ్చని సహజసిద్ధమైన వనమును ఈ బృందము వారు తయారు చేసినారు.

భారతీయ సనాతన ధర్మ విలువల ప్రకారం గోవులు పవిత్రమైనవి గావున, ఈ బృందము వారు హంసవనము మరియు శ్రీ కృష్ణాశ్రమము (బహుళ సేవా కేంద్రము) న, గోవులను స్వస్థ పద్ధతులలో రక్షించి పోషించుటయే గాక, గోక్షీరమును దేవాలయ సేవల కొరకు మరియు పేద పిల్లలపోషణ నిమిత్తము ఉపయోగించుచున్నారు.