స్వస్థతా మంత్రము

“ధ్యానము చేయునది కాదు, జరుగునది.”

ధ్యానములు, క్రతువులు | ధ్యానములు మరియు సూచనలు
స్వస్థత చేకూర్చుటకు ధ్యానము | మంత్రములు
పుస్తకము: Mantrams - Their Significance and Practice (English)
Download స్వస్థతా మంత్రము | వినండి స్వస్థతా మంత్రము (MP3, 10 MB)

ఈ మంత్రమును మానవజాతి శ్రేయస్సు కొరకు మరియు ఏదయినా వ్యాధి నుంచి రక్షణ కొరకు ఉచ్చరించవచ్చును. ఈ మంత్ర ఉచ్ఛారణకు ఏ విధమైన ఆంక్షలు లేవు. ఈ మంత్రమును ఏ సమయములో అయినా ఎన్ని మార్లు కుదిరితే అన్ని మార్లు ఉచ్చరించవచ్చును.

ఈ మంత్రము గురించి మాస్టర్ ఇ. కె. గారు “Sound and Colour - Overseas Messages Vol. 12”, p. 67, పుస్తకములో ఈ విధముగా వివరణ ఇచ్చారు:

“ధ్వని అనగా జీవుడిలోని జీవము. ఈ మంత్రము అతి ప్రాచీన భాషలనుంచి ప్రాచీన సంస్కృతములోనికి వచ్చినది. 'జూ' అన్న ధ్వనికి ఆధారము జీవుల గుంపు. ఆంగ్లములోని జూవాలజీ అన్న పదము ఈ ధ్వని నుంచే వచ్చినది. ఈ ఏకాక్షరము సెన్జార్ అనే భాషలోనిది. ఈ విధముగా ఉచ్చరించిన ఈ ధ్వనిని ప్రాణ రక్షకుడు అని పిలుస్తారు. మంత్ర శాస్త్రములో ఈ మంత్రమును మరణమును జయించు మంత్రము అని పిలుస్తారు. అనగా క్రింది మూడు స్థితులనుంచి ఊర్ధ్వ స్థితులను చేరుట.

స్వీయ మరియు ఇతరులకు దోషములనుంచి, రుగ్మతలనుంచి, మరియు వ్యాధులనుంచి స్వస్థత చేకూరడానికి మంత్ర శాస్త్రములో ఈ మంత్రము అత్యున్నతమైనది. ప్రాచీన శాస్త్రజ్ఞుల స్వస్థతా మంత్రము ఇది. దీనికి మృత్యుంజయ అని నామము. మృత్యు అనగా మరణము. ఈ పదము ఈండో-జర్మనిక్ భాషలలో కూడా వాడుకలో ఉన్నది. ఆంగ్లములో మార్టిడం, మోర్ట్యురీ అను పదములు, ఫ్రెంచి భాషలో మోర్గ్ అను పదము మృత్యు నుంచి వచ్చినవి. ఈ పదము ప్రాచీన సంస్కృతమునుంచి వచ్చినది. జయ అనగా విజయము. మృత్యుంజయ అనగా మరణమును జయించుట. ఈ మంత్రమునుకు మృత్యుంజయ మంత్రము అని నామము.“